GALEGO 3º E.P.: outubro 2023

mércores, 25 de outubro de 2023

VOCABULARIO TEMA 3

Inxustiza: aquilo que é inxusto.

Espallamento: Propagación. Acción e efecto de espallar ou espallarse

Bovina: Pertencente ou relativo ao boi ou á vaca.

Xurdir: emerxer. Aparecer subitamente.

Financiar: contribuír con diñeiro suficiente ou sufragar os gastos de algo.

Fazaña: acción heroica; proeza, xesta.

Portador: persoa encargada de portar ou transportar algo dun lugar a outro.

Velar:vixiar, coidar, especialmente pola noite a un enfermo ou defunto.

GUIÓN TEMA 3

GUIÓN GALEGO T.3

1. Vocabulario T.3. Ver blog.

2. Que é unha noticia?Partes da noticia. Que debe responder unha noticia? Saber elaborar unha noticia pax 42.

3. Que é unha entrevistas? Pasos para realizar unha entrevista pax 43.

4. Que son palabras sinónimas e antónimas? Relacionar unha palabra coa súa sinónima ou coa súa antónima,ou poñer a palabra sinónima ou antónima doutra que se indique pax 44.

5. Os artigos. Tipos de artigos. Contraccións dos artigos coas preposicións a, con, de, en e por. Identificar artigos nun texto e indicar de que tipo son pax 45

6. Saber como pode ser o xénero e o número dos nomes ou adxectivos. Recoñecer se un nome ou adxectivo está en feminino ou masculino, en singular ou plural pax 46,47.

7. Para que se empregan os signos de interrogación e exclamación e saber usalos, pax 48

8. Uso da raia e os dous puntos pax 49

9. Buscar información sobre un instrumento o personaxe que se indique. Tablet

10. Ditado das normas estudadas ata agora.

POEMA "A BRUXA CURUXA"- Gloria Sánchez

martes, 24 de outubro de 2023

Un pouco de historia, coñece a orixe do Samain:
"Segundo a tradición na noite do 31 de Outubro empezaba aninovo celta, onde se iniciaba o tempo de cambio de estación, da colleita e os misterios entre a vida e a morte. Nesta data, coñecida como o Samaín, os defuntos tiñan a autorización para camiñar entre os vivos, xa que se abrían as portas do máis alá, e tamén a posibilidade de reunirse cos antepasados mortos. Para manter a estes espíritos contentos e afastar os malos dos seus fogares, os celtas deixaban fora das súas casas comida e doces e acendían unhas fogueiras para que se puidieran quentar. Durante esas horas podíase tocar, palpar e ata traspasar ao mundo dos mortos. Ademais para asustar as almas dos seus inimigos deixaban nos muros das casas as caveiras dos que mataran. Tamén era costume tallar nabos de gran tamaño que posteriormente pasarían a ser cabazas.
O cristianismo acabou asimilando esta festa designando o primeiro de Novembro como Día de Tódolos Santos e o seguinte día como Día dos Defuntos. Nos países de tradición anglosaxona, a celebración do Samaín recibe o nome de "Halloween", sempre ligado ao uso masivo de disfraces e á decoración das famosas cabazas". INVESTIGA sobre O SAMAIN fai click aquí
Tamén podes leer toda a información na presentación que sigue.

O samaín.